歌手蔡卓妍（阿Sa）日前正式踏入35歲，獲眾多圈中好友開P賀壽，好姊妹鍾欣潼（阿嬌）亦拉埋男友齊齊出席，夠晒老友。話口未完阿Sa又飛咗喇，但今次唔係慶生之旅，而係參與朋友嘅婚禮，佢仲專程遠赴印度添！
難得去到印度，阿Sa亦把握時間周圍行吓，仲着埋有印度色彩嘅服裝四處參觀當地著名景點。心情靚爆嘅佢喺鏡頭前狂擺甫士，一時大字形跳起，一時做出瑜伽姿勢影相，認真搞笑！阿Sa喺微博留言話：「因為要參加朋友的婚禮，再次來到這個美麗地方，這次還有機會去看看世界七大奇景之一的泰姬瑪哈陵，好開心啊！人生必須要做的事又完成一樣了，還去了阿格拉堡呢！」唔知男友石恆聰有冇同行呢？
靚到跳起！
仲着埋有印度色彩嘅服裝！
Chok開有條路！
睇嚟影咗唔少靚相噃！
又擺仲瑜伽甫士！
阿Sa仲去咗阿格拉堡添！
阿Sa微博
(東方日報 / 阿Sa微博)
