【一星期都食一樣嘢!】李英愛分享產後瘦身獨門秘方

韓國46歲「大長今」李英愛被封為韓國嘅「氧氣美女」,無論身形以及皮膚都保養得宜,同本身嘅年齡一啲都唔似。

根據李英愛早前接受雜誌訪問時就透露,佢自從生咗一對龍鳳胎後,為咗維持原本嘅身材,就刻意利用獨門減肥方法keep住身形。

當中李英愛就透露會選擇食葡萄代替晚餐,每次會食一串連皮葡萄,大概約12至14粒嘅份量,佢話其實可以用嚟代替午餐或晚餐其中一餐,因葡萄可抗氧化,亦能防止血管嘅脂肪氧化,有營養又健康。

愛姐靠連食1星期嘅葡萄成功減掉1.5kg(約3.3磅),可見呢個係佢獨門減肥秘訣。

(Apple Daily)