【聞麥明詩性侵舊事 香香話絕不姑息:我第一個反應會摑佢一巴!】

岑麗香、薛家燕與囝囝石耀庭及未婚妻Zoe,今日喺紅磡出席「新婚生活易大賞2017」活動,香香話會分享結婚時嘅籌備情況同難忘事,佢就話多得老公為婚禮所有事作最好嘅安排,仲畀老公100分,香香話:「佢計劃嘢叻好多,佢仲好識講價。」香香仲自爆婚宴嗰日攰到冇洞房。香香昨日出席活動時分享自己新婚時嘅經驗

問到麥明詩噚日爆出曾被性侵 ,香香有冇試過被人抽水?香香話:「我自己比較小心,都驚如果嗰個係我真係想像唔到,我未試過,我唔想推介暴力,但係我第一個反應應該係會摑佢一巴,會大嗌、一定會報案,我唔知成件事,唔方便講太多。」

(蘋果日報)