【農夫狂抽水】黃翠如: 體無完膚,不過……

    藝人黃翠如以露肩裝到屯門出席酒店開幕,講到在節目《Do姐再Shopping》被農夫蝦,她笑言跟現實生活中相處一樣,但開心節目收視好,打算遲些一起食飯慶功,她亦戥鄭裕玲(嘟嘟)及農夫開心。

    講到在節目中被農夫抽水笑她與男友蕭正楠,她笑言:「靚抽,抽得好好,佢哋好叻靚抽,有啲押韻喺其他人把口講出嚟冇咁好笑,係C君玩押韻老土得嚟又潮。(你唔反擊?)我反擊多一下佢哋就會再抽多一下,咁就會體無完膚,不過好開心因為節目令到我同農夫好熟,嘟嘟都好錫我,所以我係賺咗嘅。」

    翠如亦謂現時都是忙於為《溏心風暴3》宣傳,講到她之前話想讀書進修,她謂有Keep住搵緊,問到想讀甚麼?她說:「樣樣都想讀,如果中間唔使拍劇有好多嘢想學,我妹妹依家用銅板畫畫,我成日想跟佢學,其實我之前讀書有諗過讀Fine Art,但細妹都想讀,我諗如果一家有兩個女讀藝術就好大件事,依家屋企有兩個細妹都係藝術家,咁就好彩我自己畀到家用。」

    翠如話佢唔敢反擊㗎!

     

    翠如晒背上陣。

    翠如(左一)上《Do姐再Shopping》(資料圖片)

     

    男友蕭正楠(資料圖片)

    (ON.CC)

    SHARE