台灣著名作家九把刀喺14年被爆背住拍拖10年嘅女友小內，搭上女主播周亭羽，嗰陣仲俾人影咗佢哋去咗汽車旅館短聚三粒鐘，雖然九把刀選擇同小內一齊，但係過咗一年最後都分手收場，九把刀同周亭羽翻撻。
近日有消息指九把刀同拍拖近2年嘅周亭羽好事近，喺今年10月嘅時候，九把刀喺女友媽媽面前，下跪求婚成功，兩位當事人選擇低調未有向外公開，只係好身邊嘅閨蜜知道呢件事，始終紙係包唔住火，據台灣《蘋果日報》報道話，噚日佢哋兩個去咗台北大安區公所登記結婚消息！事後《蘋果》向九把刀嘅經紀公司群星瑞智求證，對方承認「對，已登記」兼話：「謝謝關心，公司很祝福，其他就不多談了。」至於會唔會舉行婚禮？九把刀經紀人則回應：「沒有聽說。」
九把刀同女友登記結婚。(資料圖片)
九把刀經常同女友高調拍拖。(資料圖片)
九把刀被爆劈腿後，得到女友小內嘅原諒，不過最後難逃分手。(資料圖片)
(蘋果日報)
