【首度帶仔去旅行】早早執定行李:我非常緊張

    楊愛瑾(Miki)去年4月與永安太子爺郭永淳結婚,今年3月底囝囝Luken 就提早同大家見面,轉眼 Luken已經九個月大,而 Miki 亦專心留喺屋企相夫教子,做一個全職媽媽,只係間中見佢出席吓一啲活動。

    今日佢就喺ig到同大家分享咗同囝囝、老公去布吉嘅旅行相,佢留言話:「第一次帶Baby Luken去旅行,出發前預早做了好多功課,亦都請教了好多媽媽需要准(準)備甚麼,寶寶去到要食甚麼,我預早了一星期開始執拾行李(我非常緊張)。終於到達了目的地,這幾天一切尚算順利,而且我們一家都覺得十分開心,很享受一起去渡假的日子,一切出發前的擔憂都沒有了。感謝各位媽媽的意見和幫忙。令到寶寶的等一次旅遊經歷很順利」。

    相中見到佢哋一家三喺沙灘到同陽光玩遊戲,見到九個月大嘅Luken,同爸爸郭永淳成個餅印咁,着住泳褲仔同帽仔,坐係沙灘,真係好鬼可愛呀!有網民見到都留言大讚Luken好得意,好Cute呢!

    (蘋果日報)

    SHARE