【努力調理】零負評女神狂做運動 計劃明年生B

廣告

台灣女星林依晨來港出席活動,同場有韓國男星李東健,林依晨稱也有看過對方的作品,但未見過真人,問到會否想跟韓星合作?她坦言:「如果有好嘅劇本都想。(想同邊個合作?)太多喇,好多好嘅演員同歌手。(自己有冇鍾意嘅韓星?)冇,但都想合作。(係咪怕老公呷醋所以唔敢講?)唔係,只係唔想太刻意講。」

廣告

提到聖誕將至,林依晨表示沒有慶祝計劃,但覺得香港的聖誕節氣氛較濃厚,至於平安夜是她與丈夫的結婚周年,她笑言:「你哋咁都知,我都要上網睇吓有咩禮物啱。(會點慶祝?)比較重視平時相處點滴,節日反而唔會特別慶祝,但禮物就唔少得。(聖誕會唔會去旅行?)聖誕千祈唔好去旅行,人太多,我好鍾意去旅行,但都係揀閒日。」

廣告

對於女星舒淇因皮膚問題而暫時娛樂圈,林依晨亦身同感受:「我都試過因爲身體狀況而休息過,身體係我哋好緊密嘅戰友,要聽身體嘅訊息去休息。(自己有調理身體去生BB嗎?)我自從09年做過手術後,一直有注意調理身體,但唔係刻意為乜,我最近增加運動量,每星期會做兩次瑜伽同兩次TRX(懸掛訓練系統)。(幾時計劃生BB?)都要明年下半年,因為我農曆新年後要拍一套古裝劇。(劇中需要打嗎?)唔需要,但我有可能被打。」

廣告

廣告
林依晨話明年下半年先計劃生B。

林依晨話佢最近多咗做運動。
 
林依晨說農曆新年後拍古裝戲

 

(ON.CC)