【企得好埋】麥明詩生日同新歡BBQ……

    今日係前港姐冠軍麥明詩26歲生日,一班電視劇《誇世代》演員都好有心,齊齊去咗張繼聰屋企同壽星女搞左個大型BBQ生日派對,仲補祝埋十二月五號生日嘅龔嘉欣添,真係好有愛!

    有份參加嘅藝人除咗有張繼聰外,仲有陳豪、吳業坤、江美儀、譚凱琪、莊思敏、馬海倫、田蕊妮。咦?!咪住……原來麥明詩緋聞男友余德丞都有去,仲企正喺麥明詩後面添呀!

    張繼聰喺社交網發文祝賀麥明詩與龔嘉欣:「兩位壽星女,生日快樂。」而陳豪就表示:「晚上《誇世代》團隊們一起到張繼聰家BBQ,同時間慶祝龔嘉欣麥明詩的生日。」點知麥明詩就將重點放咗喺同月同日生日嘅黎明(Leon)度,佢喺自己社交網發文:「生日快樂,Leon。」仲話:「個個都生日唔通個個都想生日咩」、「金句錯配」。

    《誇世代》劇組幫麥明詩(上圈圖)與龔嘉欣(下圈圖)慶祝生日。

    余德丞企正麥明詩後面…

    Leon生日快樂!(資料圖片)

     

    (ON.CC)

    SHARE