王菲與前夫竇唯的女兒竇靖童（童童）驚傳出家，昨晚微博「中國娛樂報道官微」有條短片，有童童削髮視頻流出，視頻裏見到宗薩仁波切親自為其剃頭，不過童童出家原因未明，未知是否短期出家，還是其他原因。
童童經理人陳家瑛接受記者電話訪問時說：「我都唔知，係邊度睇到？（微博﹗）吓﹗應該唔係，可能佢想轉感覺，佢唱片宣傳工作差唔多做完，但之後都有工作排咗，我都要問吓佢，應該唔係咁大件事喎，頭髮會生番出嚟。」
不過據童童的工作人員透露，是為了響應「第一批90後已經出家」的號召，童童剃髮主要是讓頭髮重新生長，並非真出家，純屬一場誤會，而在剃髮現場，童童的好友周迅亦陪伴左右，她們還合照留念呢﹗
（明報）
