【生完兩個都咁Fit】教仔有一套:未諗幾時停

    藝人陳爽(Sherry)雖然貴為兩子之母,但身形依然Fit到漏,她認為減肥是女人的終身事業,所以懷孕期間亦有做運動,她說:「佗第一胎同第二胎都係重咗13Kg(約28磅)咋,冇特別話好想食咩,但都有叫老公買嘢食,係女性專利,我大晒!例如我好想食叉燒飯、燒鵝,當時已經係夜晚12點,佢上網睇吓邊度有開,就同我出去食。」

    她指老公雖然不是浪漫型,卻相當照顧她:「佢會煲湯,Plan晒啲嘢,好實際,我會話『你唔讚吓我嘅?你讚吓我靚啦。』」

    Sherry亦身體力行支持餵哺母乳:「我覺得一啲都唔容易,好堅持嘅一件事,有人問出街咁多種奶粉選擇,點解仲要母乳?又要三、四個鐘起一次身,又泵奶,我認為餵人奶係畀小朋友嘅禮物,做到就做,更加佩服啲在職媽媽。」她又透露:「大仔餵到六個月,細女超過佢,未諗幾時停,睇佢啦,生咗牙仔唔咬我嘅話,我會繼續餵。」

    而Sherry因為奶量充足,故會將多餘的人奶製成肥皂:「細女唔食凍嘅奶,我諗好多方法去處理,例如整番梘,有日有個女仔行埋嚟問我賣唔賣人奶番梘,我話唔會啦,因為係我嘅奶,好多人介意,我話我送畀你啦,咁樣我都開心。」

    問到兒子可有呷妹妹醋?Sherry自言有一套教子方法:「直接抱細妹佢就呷醋,我抱之前會問佢:『可唔可以抱吓你先?抱完你可唔可以抱妹妹?』佢又OK,佢會覺得地位受認可。」

    (on.cc東網)

    SHARE