【怕小則分房瞓,大則會分手】吳君如:同老公嗌到面紅耳赤

影后吳君如最近自導自演新片《妖鈴鈴》(前名妖妖鈴),找來吳鎮宇及方中信兩位型佬參與,當中後者更禿頭示人。日前君如接受訪問,表示平日看慣方中信Chok樣,故趁機醜化一番,沒料首日開工便令對方生頭瘡,故承諾會包起其按摩頭部費用作補償。

廣告

而已不接夜班戲的鎮宇,最終卻被騙連拍了40多天,還要於4層樓高吊威吔打喪屍,故也忍不住指君如瘋狂。

廣告

 

雖然難為了他們,但君如亦大讚二人喜感強:「我畀假髮鎮宇戴,男人最驚髮線向後同甩頭髮,所以成日見佢撥住把髮,好好笑,我仲叫佢模仿80年代嘅近滕真彥。」

談到處女執導還要分身演出,君如直言難度比為人母更要高,故特別安排另一半陳可辛出任監製一職,她笑說:「我兩年冇收入,依家可以收埋陳可辛嗰份,同埋佢好多嘢可以幫我把關,但當然有意見分歧,嗌到面紅耳赤,都擔心拍完呢套戲小則分房瞓,大則會分手,同埋套戲拍好耐,我哋成日唔喺屋企,搞到個女鬧情緒,所以拍完之後有共識,如果我哋再合作應該係10幾年後嘅事。」

君如又指今次找來已故化妝大師陳文輝孫仔陳嘉偉負責喪屍妝,又花了2千多萬於番禺搭景,完成4個月拍攝期後,為免日後成為電影的濫拍地,最終選擇把整個景炸爛,相當肉赤。

(on.cc東網)