農夫陸永夫婦和堪輿師吳佩孚被發現在紅磡的道壇做法事，陸永夫婦表現悲傷，在道壇逗留了一個多小時，而門外聽見誦經的聲音，而陸永直認太太Reina早前小產，是為「冇咗嘅小朋友」做法事。
陸永接受東網電話訪問時表示：「太太之前曾經小產，（係幾時嘅事？）詳情唔講啦，（點解會小產？）醫生都話解釋唔到，（醫生有冇講幾時可以再造人？）今次係意外有咗BB，都係順其自然。（BB係男定係女？）唔知呀，我哋冇特別問醫生，只係師傅（吳佩孚）話係男仔。（兩個女知唔知呢件事？）佢哋唔知嘅。」
他又說和太太心情已「超級平復」，他今日亦開工中，又指：「我哋唔係報道所講咁悲傷囉，兩個都好正常，（報道看圖作文？）都係嗰啲啦，攞張紙巾抹下又話拭淚，（有冇打算放吓假？）打算新年時一家人出去旅行。」
(on.cc東網)
