話咁快仲有幾日就到聖誕喇！呢日周家蔚就喺社交網上傳佢孖兩個仔洪大仁（TJ）同洪竟琋（JT）準備聖誕裝飾嘅片，片中TJ好百厭咁將裝飾掛落Janet度，不過Janet一啲都冇嬲，仲嘟嘴嗌TJ同佢錫錫，TJ當然唔會拒絕喇，仲好溫柔咁同手仔托住Janet個面先錫，認真冧到暈呀！唔知天明睇到會唔會呷大仔醋呢？
TJ出手布置周家蔚？！
TJ好溫柔咁同手仔托住周家蔚個面先錫。
周家蔚變咗聖誕樹喇！
唔係布置聖誕樹嘅咩，點解變咗係周家蔚嘅？！
認真人細鬼大呀！
唔知JT係咪見媽咪咁靚要扮埋一份，定係依個又係哥哥TJ嘅傑作呢！
不過周家蔚一啲都冇嬲，仲嘟嘴要錫錫。
周家蔚搵埋身邊嘅JT入鏡呀！
(ON.CC)
