【倒鈎狗帶之外…】鄭俊弘承認用電擊狗帶:佢情緒唔穩定

    被揭涉用「釘帶」(倒勾)拖狗的鄭俊弘,昨日再被揭原來不止於此,更涉用電擊帶訓練家中狗女Riley。這些釘帶和電擊頸圈,任何情況都不建議狗主使用,以免令狗隻承受不必要痛苦,且使用不當令狗隻受傷,有機會構成虐畜。

    用「釘帶」被揭後,鄭俊弘與女友何雁詩同步於ig解釋,稱因為Riley曾險被車撞,所以帶牠接受訓練,並接受訓練員建議,使用釘帶。現在鄭俊弘再被周刊揭發對Riley使用電擊狗帶,令人不禁問:有冇咁嘅需要?今日無綫舉行台慶頒獎禮記者會,鄭俊弘與女友一齊出席,又係齊齊否認虐待動物,並指作為狗主,係有責任教好狗狗。鄭俊弘鄭重澄清:「我冇虐狗!」

    訪問中,鄭俊弘亦承認,因為Riley係流浪犬,情緒會有唔穩定嘅時候,而且怕事,之前又試過咬其他狗狗、同埋衝出馬路,爭啲俾車撞,不受控制,鄭稱因為咁樣,所以帶佢去train,並且戴上有微量電流嘅狗帶,發出震動,提醒Riley唔好衝出馬路。鄭俊弘又話,上周周刊報道指嘅「倒鈎狗帶」,佢已經好耐冇用,並指係舊片。舊片就冇問題?如果狗狗因為過去流浪嘅經歷致情緒不好,你仲要用倒鈎狗帶/電擊狗帶?點解唔係取得狗狗信任為先?如果咁樣對待番一個情緒有問題不受控制嘅人,請問又得唔得?

    (蘋果日報)

    SHARE