年尾各大音樂頒獎典禮將至，當中有份競逐新人奬的歌手韓梓亮（TL）與明年出道女新人王雯（Nuna）趁冬至自掏腰包購買十萬蚊電器禮品更加碼現金獎於尖沙咀做冬以答謝一直以來有幫忙的合作伙伴。大獎由形象指導許嘉浩（Karl）奪得，獎品包括智能電飯煲、榨汁機等家電組合和現金大獎。
韓梓亮（右）、王雯同許嘉浩就一齊做冬！
圖左= 韓梓亮就話自己好有信心拎到新人獎！
問到TL是否有信心在頒獎禮獲獎？他指身為幕前表演者一定要對自己的表現有信心：「今年推出咗幾首歌曲，有快歌、情歌、Rap歌有齊，相信可以滿足到唔同樂迷嘅喜好。」TL更大爆務求要以最佳造型現身頒獎典禮，不惜工本豪花三萬幾元置裝，一共準備了五套「戰衣」。
韓梓亮為咗頒獎禮一共準備咗五套戰衣！
王雯最近就開咗新曲發布會～
另外，最近推出新MV的Nuna就剛完成新曲發布會，揚言於2018年全面在樂壇出道，她說：「雖然知道唱片業比以前低迷，但呢一切都阻礙唔到我細個想做歌手嘅志願，先以網絡『洗版』嘅宣傳策略。同時都好感謝公司好照顧自己，每次表演都會安排Dancers陪自己壯膽。」談到聖誕將至，Nuna表示公司已安排非常緊密的表演行程，又將會出席慈善探訪活動。
(東方日報)
