【聚少離多】經理人親回林峯吳千語分手

林峯喺12年因為拍2012年拍電影《男人如衣服》同吳千語，雖然佢哋年紀相隔14年，不過一啲都冇阻礙呢段情嘅發展，阿峯仲試過喺記者面前講咗七次「好愛千語BB」，大家都以佢哋會開花結果，點知近期經常傳出佢哋分手，日前阿峯出席活動，一反常態咁避而不談女友，之後有人問佢到底係咪分咗手呢？林峯最初話冇嘢講，後來就稱仍然同千語是情侶關係，對女友行蹤都好清楚。

今日就有周刊報道，雖然阿峯話同千語仲係朋友關係，但係實情阿峯之前因為工作太忙而忽略女友，搞到千語BB嗌分手，阿峯即刻作出補救，抽啲時間陪下女友，但係始終聚少離多，再加上千語BB嘅工作發展幾好，受到大陸劇組嘅重視，激發咗佢嘅事業心，希望做好啲證明自己。報道仲話因為唔涉及第三者，只係各有各忙，所以佢哋一直處於拖拖拉拉嘅情況！

千語BB嘅經理人Carman接受周刊訪問：「BB 講過不回應了，他們冇事，成日五時三刻就有這些新聞傳出，她不想再講了，不想常常提感情事。其實 BB 一直都有很多工作，只是我們很低調，沒有高調講自己在拍什麼戲，她第一部電影都已經打入內地市場，當然有好的作品都會再有幫助，目前她的工作已排到明年，暫時都不知道新年會怎樣過，因為這個劇可能 delay。」

阿峯多次避談女友，令人懷疑二人戀情亮紅燈

(Apple Daily / Mingpao)