【紙牌張繼聰】賢妻謝安琪扶老㩦幼頻撲度聖誕

樂壇天后謝安琪(Kay)今年三月誕下B女兒張靖(Karina),利用了多個月時間收身成功後於早前復工,不過依然以家庭為主的她,見老公張繼聰連聖誕也沒假放,照樣開工賺錢,她就負起照顧一家大小的重責,連日來扶老㩦幼頻頻撲撲,阿聰娶得內外兼備的賢妻,可謂三世有幸,幸福個幸。

睇中BB單車

戴白色畫家帽的Kay,先與母親及親友乘黑色房車前往馬鞍山行街,她全程將九個月大的Karina孭在胸前,而Karina則戴兔仔帽,非常可愛。一行人先去商場的BB用品店購物,還跟店員有講有笑。當發現記者在場,她即友善揮手,然後去餐廳用膳。醫完肚,Kay到百貨公司買玩具,為仔女挑選禮物,最後睇中一架粉紅色BB單車送給囡囡,見Karina全程極為乖巧,萌樣相當可愛。

仔女扮小精靈出巡

而25號聖誕節,有讀者爆料指Kay與母親、一對仔女等現身大埔翠華餐廳為謝母慶祝生日,見Kay與仔女、母親、親友及女傭在餐廳內用餐。張瞻和妹妹以紅、綠色小精靈的兄妹裝示人。

張瞻勁生性照顧妹妹

期間見Kay抱着Karina餵「糊仔」,不時甜笑氹囡囡進食,在旁的張瞻亦不時與妹妹玩,但見到媽咪照顧妹妹時,亦很乖地自己用餐。約一小時後,抱着囡囡的Kay結帳離開,見到記者即大方地企定任影。問到是否出外買禮物?她稱已經買了。問張瞻可有畫聖誕卡送給父母?他笑笑口搖頭,Kay即搞笑說:「依家呢啲新時代嘅小朋友好瀟灑㗎!」然後一家人離開餐廳。

家庭裝襯到絕

另外,雖然阿聰忙於工作,但收工後即回家會合老婆,並帶埋仔仔一齊睇電影,三人還穿上家庭裝,以黑色上衣襯紅色波鞋,共享受天倫之樂。

愛女心切嘅佢即刻孭住囡囡!

冇交畀家傭姐姐

阿Kay今日一身casual look出發!

仲同記者講Bye Bye勁有禮貌!

大方企定定任影唔嬲

張瞻着住小精靈裝好有節日氣氛呀~

食完出嚟Karina已經瞓着咗!

Kay甜笑氹囡囡食糊仔!

囡囡好定冇扭計!

張瞻對住妹妹勁肉緊!

阿Kay為小朋友揀禮物!

阿Kay手指指,Karina都睇到好投入!

最後佢就買咗呢架BB單車畀囡囡!

Karina都好乖唔喊!

同囡囡襯到絕都係着上淺粉紅色衫!

同店員有傾有講!

三個齊齊去睇完戲

而呢日聖誕節,老公張繼聰都抽時間陪老婆同仔仔!

仲着晒家庭裝,襯到絕呀!
(ON.CC)