【一個抱住小公主、一個拖住囝囝】陳茵媺孖陳豪去港姐聖誕P超恩愛

圈中有好多藝人都喺呢幾日瘋狂開聖誕派對,同一班親朋好友相聚一番!而除咗成日見嘅老友,亦有藝人趁呢個機會同啲舊朋友重聚。

廣告

呢日藝人李施嬅就喺社交網站上載咗一系列聖誕聚會嘅相,不過今次唔係同胡說八道會,而係同一班好耐冇見嘅港姐姊妹,包括陳茵媺、曹敏莉、戚黛黛同朱凱婷,一齊摸住酒杯gathering!

廣告

李施嬅仲留言話:「太久不見了。終於沒有一個人是懷孕或breast feeding(餵母乳),大家都可以喝一杯」嘩!果然係選美出身,個個都仲係咁靚呀,呢啲咪叫做天生麗質囉!陳茵媺都有喺IG晒片,見佢哋全部人揸住香檳,同大家講聖誕快樂,最後陳茵媺仲講咗叫冇人大肚呀,莫非今日想嚟個不醉無歸?

一班港姐仲帶埋一家大細一齊出席,場面非常熱鬧!而「愛妻號」陳豪亦有陪住老婆,見佢哋一個抱住囡囡Camilla,另一個就拖住仔仔,真係超級溫馨!

(on.cc東網)