啱啱過咗聖誕，洗米嫂陳慧玲(Heidi)就同洗米華全家人一齊出埠過節兼同洗米華爸爸慶祝生日，連日嚟Heidi同仲大女周梓潼大玩特玩直升機、跳傘、笨豬跳樣樣玩齊。
昨日佢終於返嚟香港喇！昨晚9點50分，洗米嫂同梓潼齊齊現身香港機場，抵港出閘時有一名女性接機，Heidi同梓潼蹺晒手邊傾邊行去富豪酒店方各，登上七人車。
上車時，洗米華家姐企喺七人車旁，而洗米華爸爸仲坐喺車上等候。據知，今次係一家出埠過節，Heidi同梓潼玩耐啲延遲返港，而其他家人就率先返港。
而Heidi見到洗米華爸爸時，就企喺七人車旁邊打點，最後Heidi同梓潼齊齊上另一架車離開。
(蘋果日報)
