【同阿Sa分手之後】陳偉霆被爆戀上⋯

係大鑊嘅……陳偉霆拍拖喎……傳。

女友是誰?巴西籍模特兒Bruna G Marth。自從陳偉霆同阿Sa蔡卓妍分手之後,一度傳過新女係依家大陸紅到發紫嘅趙麗穎,但似乎……又唔係。直至Bruna嘅出現。

Bruna不時於上海工作,陳偉霆都係。但關於Bruna嘅資料,網上少得可憐。Fine,有咩證據?其實係好捕風捉影嘅,就係因為,陳偉霆like咗Bruna ig其中一張身穿黑色褻衣嘅相。而Bruna,亦有follow陳偉霆嘅ig。

兩個可能,一係,就係雙方因為對方外貌或性情吸引,所以互相follow;第二個可能係,根本就係識嘅。但係,大家又諗下,當日城城郭富城同Moka方媛戀情曝光之前,咪又係俾傳媒發現城城狂follow 0靚模ig,就係咁,click中Moka?

講番Bruna,靠住陳偉霆嘅號召力——自從佢神秘一like呢個巴西籍索模之後,佢嘅fans馬上人肉起底,搵出兩人共通點,同交匯點喺邊。其實好難,但還是找到了。

包括,兩人嘅交匯點包括:
1.疑似玩同一隻狗狗,而且隻狗咁啱又叫Silver。


2.Bruna玩狗圖中,身邊人件外套,陳偉霆又有件。
3.Bruna另一張相裡面,有對男人腳,條褲,咁啱陳偉霆又有喎…

有網民就喺ig留言問Bruna係咪同陳偉霆拍拖,仲話「如果係,祝福你」,點解嘅?

(蘋果日報)