【原來唔係⋯】唐詩詠多謝洪永城:唔會去解釋個原因

藝人唐詩詠到沙田出席慈善跑活動,即場與一眾運動跑手做熱身。她接受訪問時呼籲大家多做運動:「運動有益身心之外,仲可以鍛煉耐性同堅毅心。」

她謂小時候乒乓波、羽毛球和長跑都是自己的強項:「今日都想跑接力,但唔夠女仔。(唔開心或受情傷時跑步發洩?)運動乜嘢時間都啱做,因為畀到正能量自己,對我哋呢份工作都好緊要,遇到難處時知道用乜嘢心態去作戰。」她表示現時則較多做健身,開始練出肌肉。

提到她於訪問中指與前男友洪永城步伐不一致導致分手,她解釋說:「冇講到任何一個人,係自己嘅愛情觀。唔會去解釋個原因,都過咗去,向前望囉!好多情侶都會遇到問題,分手都有好多原因。」講到洪永城會為她拉票爭視后,詩詠說:「多謝佢!(呢一票好有意義?)在心中。(見面冇咁尷尬?)朋友囉,大家都同一公司都會見到。」

(on.cc東網)