內地藝人杜江早前帶仔仔「嗯哼」參與內地親子真人騷《爸爸去哪兒5》，嗯哼憑住可愛嘅面孔同古靈精怪嘅性格深受網友喜愛，節目播出後人氣大升！近日，杜江趁住新年就同太太霍思燕同嗯哼去咗瑞士旅遊，呢日仲喺社交網同網友分享多張滑雪相。
杜江同霍思燕挑戰滑雪。
過白色新年。
嗯哼開心到瞓咗喺雪地上。
嗯哼勁可愛。
飲酒抖吓
從上以既相中見到着晒滑雪裝束嘅杜江同霍思燕，拎住塊滑雪板大擺甫士，佢哋仲舉晒V字手勢，似乎玩得好開心！而嗯哼就玩到瞓咗喺雪地上，相信呢趟旅程令佢哋相當難忘。難怪杜江興奮咁留言表示：「從兩千多米的雪山直衝而下，感受腎上腺素充滿全身，感受畏懼又戰勝它！是滑雪最讓我迷戀的地方，祝大家新年快樂！」
(東方日報)
