【同男友好有默契超級襯】激罕捕獲梁嘉琪低調拍拖

    梁嘉琪喺15年俾《蘋果》喺曼谷巧遇一個貌似洪天明嘅健碩男拍拖,雖然嗰陣佢哋全程冇親暱舉動,不過都已經覺得佢好好有默契,儼如新婚夫婦。消息曝光之後,森美喺電台節目揞名爆呢個健碩男原來就係商台監製金志堅。

    轉眼已經兩年,嘉琪同金志堅拍拖有番咁上下日子,不過佢哋都keep住低調處理戀情,唔似得一段情侶成日發放「閃光彈」咁,不過佢哋其實係好有默契。

    就好似日前傍晚時份,《蘋果》喺銅鑼灣見到嘉琪同埋男友,同行仲有一位女友人,佢哋一行三人去到鬧市,素顏嘅嘉琪戴住cap帽,似乎都唔係好多人認到。

    有朋友喺度嘉琪絕對唔係「有異性冇人性」,keep住同女友人密密傾,而男友就默默地低頭跟住喺後面邊行邊食電子煙兼撳電話。

    行到咁上下,佢哋越行越近,而嘉琪仲擰轉頭望住男友講咗兩句,而金志堅亦都放低晒所有嘢,同女友傾偈,咁有默契又咁襯,唔知幾時好事近呢?

    (蘋果日報)

    SHARE