【志明嫂手袋遮肚睇騷】尾場有志明與春嬌合體~

    「楊千嬅三二一GO!演唱會」昨晚嚟到第11場尾場,梁詠琪(GiGi)、汪明荃、洗米嫂Heidi都有嚟捧場,

    而千嬅老公丁子高,就同班朋友齊齊養住白色衛衣,頭戴側邊有紫色燈嘅cap帽喺台下支持。

    原來尾場千嬅搵嚟「志明」余文樂嚟做嘉賓,而樂仔媽媽都有嚟睇騷,不過最矚目嘅都係「真‧志明」嫂王棠云都有現身捧場,不過佢哋兩婆媳就分開坐,而王棠云坐正中間第一排,當記者上前影相時表現大方,冇迴避,但盛傳已懷孕嘅佢喺場內都戴住頸巾,並將手袋放肚上,疑似借手袋遮肚。

    而余文樂喺晚上10點56分身穿藍色西裝喺舞台中間升起,佢先solo唱咗一段《當我想起你》,現場觀眾非常興奮,之後余文樂仲話:「之下又話個台冇升到咁高嘅?我嚟最中原因都係因為個台。」之後千嬅企喺升降台前,而余文樂企喺升降台上合唱。余文樂喺台上降落嚟後從後擁抱千嬅,之後互相道賀,千嬅仲恭喜樂仔新婚快樂,而樂仔仲話今日媽媽都有嚟睇,佢哋仲好快搵到余媽媽。

    之後樂仔繼續話太太都有嚟,正當佢搵到「樂嫂」嘅時侯先發現太太坐正係面前,樂仔當堂話嚇親,仲問:「點解調得咁近呀?今日講咩都唔緊要,佢唔識聽廣東話。」之後千嬅好有心咁足本翻譯俾樂嫂聽。之後佢哋仲講到,佢哋合唱歌《當我想起你》非常之hit,仲拍埋MV,而樂仔當時仲話:「你開演唱會俾個升降台我就嚟。」而今日千嬅兌現承諾,俾個十呎升降台樂仔。

    講到呢首歌千嬅仲話喺KKbox呢首歌回播率係no.1,而樂仔就話:「梗係啦,因為有我。」千嬅呢個時候就望住「樂嫂」王棠云用國語同佢講:「辛苦了!」千嬅問到樂仔問解唱呢首歌,係咪送俾太太,一開始樂仔就話唔知,仲吹千嬅去換衫,之後先話:「呢首歌好啱我o依家呢個狀態。」樂仔睇嚟好緊要,佢仲話太耐冇唱歌,差啲唔記得自己唱過歌,之後再唱出千嬅嘅《MR.》。

    談到搵余文樂做嘉賓,千嬅表示今次是第一次見樂嫂,盛傳樂嫂有喜,千嬅可有恭喜對方雙喜臨門?她說:「佢雙喜臨門咩?我唔知喎,真係㗎?(你見唔到佢大肚?)冇喎,見唔到,(阿樂有冇同你講?)冇喎。」她大讚樂仔練唱她首《MR.》已經好堅,因為首歌好難唱,有人打趣笑說聽唔出樂仔是唱她首歌,她笑說:「佢真係有心,(你唔好再push佢唱歌!)都唔知點應你哋。」

     

    (蘋果日報 / on.cc東網)

    SHARE