前港姐陳凱琳（Grace）早前就預告會同男友鄭嘉穎聖誕節去旅行，雖然佢冇透露目的地，但一直喺Instagram上載嘢食相，但原來佢哋度過咗個白色聖誕，仲喺外地浪漫過埋年添！
Grace連日嚟都只係分享嘢食相，直到呢日佢先上載獨照，仲用英文發長文，大致係引用聖經金句鼓勵自己，仲話新一年想要建立嘅一件事就係佢同上帝嘅關係。
睇相見到Grace着晒羽絨同戴埋頸巾，就知當地有幾凍，之後嘉穎就上載喺冰天雪地下擺晒甫士嘅相，留言話：「你們的地方有沒有下雪，玩到雪的舉個手看看！」
可以一齊過聖誕兼迎接新一年，落幾大雪都唔怕啦！網民都話覺得好Sweet，留言叫佢哋甫合照呀！
(on.cc東網)
