藝人周家蔚雖然早前同老公洪天明經歷小風波，不過都無損佢心情，仲表示好信任老公，之前一家四口仲一齊去主題公園玩添，總之就相當開心。不過除咗屋企人外，好姊妹都一樣咁重要，呢日家蔚就喺社交網上載同班好姊妹相聚嘅相，並留言表示：「#七姊妹 #新年 第一餐飯，今年有好多計劃…期待」
‘相中見到有喺哈爾濱返嚟嘅佘詩曼、湯盈盈、文頌嫻、姚樂怡、鍾麗淇等，眾人都笑不攏嘴，相信一定食得開心，傾得開心喇!好多網民都留言話阿佘終於返嚟，齊晒飯腳
七姊妹重聚真係好難得。
仲有網民問家蔚指今年有好多計劃，唔通七姊妹會一齊合作？如果係咁就好喇！
大忙人佘詩曼都返咗嚟香港。
(東方日報)
