升呢人妻嘅陳嘉寶（Anjaylia）今日28歲生日，佢就揀同一班朋友開P慶祝，而唔係浪漫咁同老公過二人世界，佢喺社交網晒相留言：「繼續感恩，繼續凡事相信、凡事盼望。感謝我的主。感謝愛我、支持我的所有人。也祝福大家。P.S. 謝謝我親愛的朋友們為我安排的驚喜和所有。 P.P.S. 契仔仔好靚仔」佢所講嘅靚靚契仔係邊個？咪就係好姊妹賴慰玲個仔囉！合照時，見賴慰玲囝囝口擘擘咁，應該係想同契媽講聲生日快樂，認真乖仔！
賴慰玲都有晒番合照，佢留言：「Happy birthday to my dearest.契媽媽，生日快樂！」睇番啲相，陳嘉寶眼甘甘咁望實契仔，啲母愛滲晒出嚟，其實佢都名正言順係人妻，唔知幾時有好消息傳出？到時咪唔使玩人哋個B囉！
至於陳嘉寶老公都有喺ig送祝福畀老婆，佢留言：「Today is my queen’s birthday. May God guide you, bless you and protect you.（今日係我皇后生日，願主指引你、保佑你、祝福你。）」唔知陳嘉寶見到有冇冧豬，但佢回應就笑死人，佢留言：「Hey dude ! Are you copying @vancityreynolds ?!」佢話老公係咪扮緊「死侍」賴恩雷諾士（Ryan Reynolds），真係唔知好嬲定好笑！！
Anjaylia啲母愛滲晒出嚟！
Happy birthday！
老公IG甫相祝老婆生日快樂大晒恩愛。
左起：Anjaylia、賴慰玲與陳凱琳
Anjaylia28歲生日前升呢做人妻！
但Anjaylia就留言話老公扮「死侍」賴恩雷諾士（Ryan Reynolds），破壞晒氣氛又搞笑！
Anjaylia幾時先自己生番個！
成班朋友同佢慶祝！
（ON.CC）
