去年娛圈旺生B，尤其係3月!有蘇永康得意囝囝蘇展弘(Jazz)、謝安琪寶貝女「KaKaBall」，仲有車婉婉心肝椗「BBQ」，之前蘇永康曾指謝安琪係第一個知佢老婆陀B，笑言同張繼聰講「你個女，我個仔嚟」，不如玩指腹為婚，噚晚「KaKaBall」就見佢嘅「未婚夫」Jazz喇，其實係一齊喺張家開BB派對。
蘇永康、謝安琪、張繼聰及車婉婉等，噚晚三個星B聚埋，蘇永康喺Ig貼咗條片，留言：「男人通常要負責嘅係揸機拍攝於是三部機三個Angle！功德圓滿…搞掂…大家Happy!」見三個媽咪扶住BB，三個星B都企得好穩，似乎好快就可以行路，Jazz未知係唔係開心得滯，反手時唔小心拍到媽咪，而謝安琪就好有耐性咁撩囡囡玩。「Mark嫂」Jade睇完片就回覆：「Jazz似爸爸，車B似媽媽，KaKaBall似哥哥！」而媽咪車婉婉亦都貼咗三個星B坐單車列陣嘅片，佢寫道：「高齡日誌之三月出生的緣份，Happy Sunday!Q氏、蘇氏及張氏相約3月之星BB聚會，高興非常，三位仲新車落地，一起Test Drive 一下，多謝張氏熱情款待。」張繼聰雖然冇喺片中出鏡，不過見老婆同囡囡咁開心，佢應該好滿足，回應玩得好開心，蘇永康亦多謝好友張繼聰邀請，仲話：「下次出城玩過!」
謝安琪寶貝女
BB派對
(Apple Daily)
