【婚期不遠】吳國敬好事近 敬儲夠老婆本即娶女友!

    歌手吳國敬偕好友張衛健(Dicky)、張立基及鄭敬基在三藩市舉行演唱會,現場反應熱烈,更有女歌迷衝上台欲強吻Dicky,好在Dicky及時力保不失。

    吳國敬、張衛健、張立基及鄭敬基到三藩市登台。坐無虛席

    左起:鄭敬基、吳國敬、張衛健及張立基

    更有女歌迷想強吻Dicky

    阿敬說:「Dicky結果同嗰個女歌迷頭貼頭,鼻點鼻,但嘴離開好遠咁影咗張相。(女歌迷靚女嗎?)如果靚一早咀咗啦,係大媽嚟。」談及Dicky日前喪弟,問他回港可有致電慰問,阿敬話跟Dicky多年老友,有時大家一個眼神已心領神會,又說:「Dicky對佢過身嗰個細佬真係好好,又養佢又畀獨立屋佢住,不過佢細佬有病『走』咗,咁都冇法。」

    阿敬此行還帶同拍拖逾10年的女友Elaine到紐約度假、探親,問可有乘機在當地註冊結婚?兩人感情穩定

    他表示尚未結婚,因他想儲夠錢才成婚,他謂:「等我儲夠3千萬先,仲要諗條求婚絕橋,我唔係要士豪嗰種婚禮,只係想搞得好好睇睇啫,我仲帶佢去掃阿爸、阿媽墓,女友仲斟奶茶畀兩老『飲』添。」敬又話為盡快娶女友過門,現時要積極搵錢,稍後會到台灣錄國語歌,還會跟第一首廣東歌《玩火》的監製再合作。

    (東方日報)

    SHARE