【首次就被炮轟】劉嘉玲:我都畀人鬧咗幾十年!

    由劉嘉玲監製及主演的電影《以青春的名義》昨晚在圓方舉行了首映禮,而片中的主要演員包括:吳肇軒、劉天蘭、余香凝以及導演譚惠貞都也有出席。對於吳肇軒被劉嘉玲指「佢與生俱來有一種憂鬱,需要人去保護,去照顧佢,好似年輕版嘅梁朝偉」,吳肇軒呢日就話有呢個稱號後,畀網友狂鬧,劉嘉玲笑言:「我都畀人鬧咗幾十年!」仲話畀人鬧好正常,因為偉仔係萬人迷,係受保護動物!

    超似梁朝偉!

    劉嘉玲 揀吳肇軒合演師生戀

    第一次做電影監製的劉嘉玲,搵來吳肇軒合演以師生戀為題材的電影﹐開到電影會不會有票房壓力,嘉玲姐表示自己從來都不會看票房好不好,因為自己是一名演員,一早已經收了片酬,但這次自己是做監製,希望對投資的人有一個好的交代。

    儀式上,司儀叫劉天蘭同嘉玲喺一堆牌入面,揀出對余香凝同軒仔感覺嘅一啲形容詞,嘉玲揀咗「勇敢」畀軒仔,然後話:「作為演員有咁好嘅起步,會聽到啲妒忌聲音,要勇敢去做,演員只要演好自己嘅戲,唔需要理其他人講咩。」劉天蘭就揀咗「天真」畀余香凝,接住話:「覺得佢年輕、青春之外,仲有份單純,最重要有智慧。」

     

    吳肇軒似「年輕版梁朝偉」被鬧

    劉嘉玲早前接受訪問時,大讚拍擋吳肇軒是可造之材:「佢與生俱來有一種憂鬱,需要人去保護,去照顧佢,好似年輕版嘅梁朝偉。佢會準備好晒先去拍攝現埸,佢會同我、導演同攝影去傾,我覺得佢有做導演嘅天分,我諗番我做新人嗰時,係TVB嗰7年好傻,完全唔知發生咩事,只係密密做,不過就練到其他嘢番嚟。」

    呢日吳肇軒被問到對似「年輕版梁朝偉」點睇,吳肇軒話喺網上畀好多網民鬧,嘉玲姐笑話:「咁好正常,佢係萬人迷嚟嘅,係受保護動物,我喺佢身邊都畀人罵咗好多年,最緊要做好自己。」佢仲大讚吳肇軒最似梁朝偉嘅係有潛質同勤力!

    拍擋吳肇軒 (右)

     

    嘉玲學玩IG

    而嘉玲姐說到這次跟年輕演員合作也有代溝出現,有次別飯時候他們開了instagram跟粉絲開直播互動,那時候自己也不知道他們在做什麼,然後他們叫我加入一起直播,令到我感覺有點奇怪,看來自己要嘗試一下這些新事情。

    張達明現身捧場。

    故事講述中六學生張子行(吳肇軒飾)有個經常買醉、喜歡撿二手傢俬電器回家的爸爸張福偉,兩人8年前被內地移民來港的母親離棄﹐某日子行在學校泳池救起了一名叫葉若美(劉嘉玲飾)的女人,後來對方更成為他的班主任,兩人在相處過程中漸生情愫。故事在親情、愛情及友情關係中遊走,並嘗試衝破老師與學生的道德與情感界線⋯⋯

     

     

     

     

     

    (SINA / 東方新地)

    SHARE