【密會男友】高海寧包場賀31歲生日 盡顯S形曲線！

無綫咪神高海寧（高Ling）尋日（13日)31歲生日，佢上載兩張慶祝生日嘅相到社交網，但都只係佢自己獨照，先係一張瞇埋眼Sweet爆嘅相，再嚟一張S形POSE嘅全身照，呢張相真係不得了，令佢嘅曲線表露無遺！高Ling留言話：「謝謝各位的祝福，照單全收，一個不落現在的我很快樂，但願以後也如此。」不過生日又點可能係自己一個過呢，見高Ling身處喺一間疑似高級餐廳，而周圍又冇其他顧客，好可能係包場慶祝，高Ling又刻意只影獨照，似乎身邊應該就係男友鄧智偉喇，下次不如大方出嚟一齊影啦！

(東方日報)