【叫我大小姐】網民勁Buy龍力蓮 撐林淑敏做最佳女配角!

    無綫女藝人林淑敏(Mandy)最近憑處境劇《愛.回家之開心速遞》大小姐「龍力蓮」一角Hit爆,雖然角色霸道又惡死,但往往引發超強笑料,大批網友推舉Mandy爭台慶頒獎禮女配角獎,最近她更在一個網站中成為民選「最佳女配角」,證明Mandy深得網友喜歡。
    劇中演員大合照。

    對此,Mandy表示要歸功於一眾編劇成功塑造角色:「我個心態係第一個觀眾係編劇,我會同佢同步,睇吓佢點寫,我傾向係卡通式做法,我哋傾咗想性格明顯啲,但唔係誇張喎!係有分別嘅!

    劇中鬥餐死,私下Friend過打band!

    今次演個角色衰衰哋驚畀人憎㗎!所以都演得可愛少少,希望令觀眾輕輕鬆鬆有得笑,出到嚟觀眾好鍾意,喺街都有人讚我,已經好滿足,有冇獎都唔重要。」惡死嘅大小姐同下屬打成一片呀!

    Mandy笑言雖然演惡霸角色入木三分,但完全不似真人,真人絕對是溫柔得多:「我問過我老公我係咪咁潑辣,佢話梗係唔係,我真人其實好溫和㗎!你又可以問吓『送水輝』許家傑,佢成日話我性格好㗎!」

    林淑敏話「送水輝」都讚佢私下性格好!相關圖片

    (東方日報)

    SHARE