【阿姐萬歲】汪明荃曬合照!超強卡士「至八會」4年後終於齊人




雖然唔少人話娛圈好黑暗,又同行如敵國,但其實有唔藝人之間嘅感情非常好,好似「胡說八道會」、「少婦聯盟」咁,但如果要數最霸氣嘅一定係阿姐級嘅「至八會」喇!

原來已經起碼4年冇咁齊人喇!

呢日「阿姐」汪明荃就喺微博上載幾張合照,相中見到「至八會」成員鄭裕玲(嘟嘟)、曾華倩、江欣燕、毛舜筠、朱慧珊、鍾慧冰、林建明同寇鴻萍等!原來對上一次咁齊腳已經係4年前,真係好難得,連汪明荃都要「萬歲」呀!

汪明荃仲「萬歲」請食飯添!

嘟嘟留言:「阿姐請食飯,還可以同這班起碼4年沒有一起聚會的美女們聚在一起,多謝阿姐!」

毛舜筠都話:「久違了的歡笑聲,美女們實在太可愛了!」

毛姐仲留言

而一班網民見到都話回憶返晒嚟:「好開心見到至八會可以聚番!咁多年老友唔容易的!」、「原來你們個會仍在!」、仲叫佢哋多啲聚會呀!

事隔4年 2013年聚會合照

(東方日報)