女星Angelababy（Baby）2015年下嫁內地男星黃曉明，2017年初仲誕下囝囝「小海綿」，佢哋兩公婆為咗保護囝囝，所以一直都相當低調。不過今日Baby為咗慶祝小海綿嘅1歲生日，所以就喺社交網站罕有咁晒出小海綿嘅「正面」相！小海綿身穿小西裝加煲呔，十足一個小大人。雖然Baby用咗一對卡通公仔嘅眼遮住小海綿個樣，不過依然見到肥嘟嘟嘅面珠同埋幾隻牙仔，相當可愛呀！唔少網民都話小海綿嘅下巴好似Baby，仲有人話好想見下小海綿嘅真面目。
Angelababy微博
兩公婆五官都咁靚！
小海綿今年1歲喇！
之前仲喺媽媽個肚，話咁快就1年！
男仔似媽咪多數都靚仔！
(ON.CC / 微博)
