【老婆仲係⋯】喺尖沙咀野生捕獲吳尊一家三口!

    吳尊早排同兩女一仔一齊參加咗《爸爸去哪兒5》,節目中7歲嘅NeiNei已經帶住4歲嘅二弟Max形影不離,從節目中可以睇到呢對小姐弟好有禮貌同愛心,好明顯係父母教得好,而作為爸爸嘅吳尊對仔女嘅表現係好溫柔同耐心,令好多人睇到好感動,就因為呢個節目,佢同對仔女喺大陸都好高人氣。

    可能因為啱啱做完節目,所以吳尊陪個女同老婆嚟香港度假,日前(19號),有讀者陳小姐爆相爆片影到佢一家三口出現喺尖沙咀海港城嘅玩具反斗城。

    據讀者陳小姐話:「我下畫4點左右喺海港城撞見吳尊抱住個女,同老婆一齊行入玩具反斗城揀玩具,行街時睇到佢一路好照顧小朋友,買完玩具,佢哋一家人又入咗一個雪糕店買雪糕食。喺海港城逗留咗一粒鐘先至走。」

    不過吳尊太太依然都係好神秘,點都睇唔到樣…

    (蘋果日報)

    SHARE