【同黃子恆分手之後就⋯】裕美:計劃緊下次去見家長

    裕美和彭懷安(Eddie)今午在中環現身香港車會百歲壽辰,現場仲有幾位性感車模包括艾美琦(Amy)、張可義等谷胸現身。裕美喺現場參觀,佢特別偏愛古董車,不過就冇諗過喺呢方面投資,投資都會投資喺磚頭上。

    裕美18歲就已經考到車牌,但覺得自己性格如果遇到心情唔好嘅時候,就會衝動片車,所以最終佢就放棄領車牌,但後來發現對工作同自己去旅行自駕遊都有好處現,正考慮會重新考車牌,裕美笑言冇車就好似冇咗隻腳一樣。

    裕美早前同外籍男友發展至今,佢話:「嚟緊都希望同男朋友去自駕遊,佢一年都去幾次旅遊,亦都因為認識對方,所以想去歐洲國家,自己未去過,計劃緊下次去意大利見家長,其實視像已經見過,大家都有溝通,自己都希望嫁去外國,但暫時未有計劃結婚。」

    艾美琦現身活動,由登台降呢做車模,佢話:「為咗搵錢,其實自從2012年做過模特兒之後都冇相關呢種工作,今個月至到4月係登台淡季,自己多咗時間喺香港,有朋友搵到而且有五位數字酬勞好高,所以就嚟參與,回味下做model時候嘅感覺好得意。」

    (蘋果日報)

    SHARE