【等咗20年】楊明拎飛躍進步獎 莊思明:繼續陪你走下去

    經歷過四次提名「飛躍進步獎」、入行差唔多有20年嘅楊明,噚晚終於拎到喇「飛躍進步」獎,佢喺台上多謝咗好多人,仲同女友莊思明有個約定,如果得獎會送個飛吻俾!

    因為今日要開工嘅關係,所以楊明喺頒獎禮完成啲工作之後,就返咗屋企同莊思明慶祝。莊思明今日凌晨喺FB留言兼貼圖

    莊思明話會陪楊明繼續行落去!(fb圖片)

    佢話:「終於等到你返嚟啦!無咩可以俾你,只能為你準備一個小型慶功宴,我專登出去買你最鍾意食嘅魚蛋燒賣! 再一次恭喜恭喜再恭喜!」

    FB大放閃彈

    其實喺楊明得獎之後,莊思明已經喺fb留言話:「恭喜你終於係香港攞獎啦!20年的確係一條好長嘅路,今晚證明咗你嘅努力同堅持係無白費,以後無論條路幾長我都會陪你繼續走下去,繼續努力,繼續加油!再一次恭喜你!」

    楊明終於唔使再等,拎到飛躍進步獎!

    (蘋果日報)

    SHARE