【唔做怪獸家長】靚靚湊仔Selfie 再去遊樂場餵貓 場面溫馨!

    張智霖與袁詠儀的兒子張慕童(魔童)已11歲,愈大愈長得似媽咪,十足餅印!好動的魔童最近學識玩滑板,不時把自己踩板的精彩片段分享到社交網。

    呢日靚靚湊完魔童放學。

    兩母子好溫馨有傾有講。

    靚靚拿出手機同阿仔Selfie。

    不過魔童似乎唔多合作四圍擰。

    之後靚靚同魔童去便利店買鮮奶。

    原來係一齊去餵流浪貓。

    似乎係餵慣餵熟,愛心爆棚呀!

    餵完貓嘅魔童心情大靚。

    紮紮跳冇時停!

    靚靚都畀阿仔氹到笑晒口!

    之後靚靚帶魔童去遊樂場玩。

    身手敏捷嘅魔童爬繩索冇難度!

    幫活躍嘅佢放電。

    魔童從管狀滑梯外圍由低部爬上頂。

    見到都覺得牙煙呀!

    靚靚只係企喺在遠處𥄫住囝囝。

    睇嚟仔仔都係媽媽嘅前世情人~

    日前下午5時許,靚靚湊完魔童放學,再帶他去赤柱遊樂場「放電」,趁住日落時段,靚靚拿出手機同阿仔Selfie,不過魔童似乎唔多合作不時四圍望,靚靚就耐心地等阿仔望向鏡頭。自拍完一輪,愛心爆棚的靚靚拖住囝囝行去便利店買鮮奶,然後拎住盒奶去附近餵流浪貓,兩母子踎低睇住貓仔舐了幾啖鮮奶便靜悄悄地離開,餵完貓仔的魔童心情大好,沿途不時紮紮跳冇時停,精力無限。

    其後靚靚帶魔童到遊樂場玩樂,魔童第一時間走去爬繩索,再去玩滑梯,好動的魔童瀡完滑梯,竟然從離地約2米的管狀滑梯外圍,危險地像猴子般從低部爬上頂,而靚靚則站在遠處𥄫住囝囝。魔童放完電,靚靚便拖住他離去,兩母子邊行邊傾,相當溫馨!

    (東方日報)

    SHARE