【竟然有電燈膽】終於到馬國明孖心穎BB慶祝生日

    馬國明以往拍拖好少咁高調,自從同黃心穎食飯睇戲,馬明將戀情半公開,講起心穎BB時,個樣仲好甜絲絲,日前馬明憑《降魔的》拎最受歡迎電視男角色,雖然馬明冇當眾感謝心穎BB,不過行去領獎前,馬明都同心穎BB握咗手仔,當馬明講得獎感言嗰陣,唔少女藝人叫馬明快啲結婚,但係馬明就話冇咁快。

    心穎BB之後貼出佢同男友馬明嘅合照,又話引以為傲,呢對圈中公認一對戀人,收到唔少fans祝福,噚日係心穎29歲正日生日,男友馬明當然陪住佢,本來心穎只係喺IG貼咗一張單人相,留言:「This expression summarized my birthday!簡單的、溫暖的、開心的。多謝你哋嘅祝福!」

    今午黃長興喺IG貼出合照,相中有心穎BB同馬明,相中見佢哋坐埋一齊,心穎仲笑得好sweet,許多網民都笑黃長興竟然做「電燈膽」,其實係一對戀人去咗黃長興同友人合資開嘅法國餐廳撐枱腳,過二人世界咋!

    (蘋果日報)

    SHARE