曾經拍過《天與地》嘅無綫藝人陳建文今日結婚，好多圈中老友好似鄭俊弘、徐榮、鄭世豪、《放學ICU》主持鄭詠謙等都有幫手接新娘，其中鄭詠謙就喺社交網晒出兄弟團合照，並留言：「🎉恭喜文叔（陳建文）！新婚快樂喔！🎉我地（哋）會幫你瘋狂搞氣氛 精神啊！」
相中見鄭俊弘擔任伴郎，而其他兄弟亦着到官仔仔骨骨，英氣十足！
另一張相就見到眾人接新娘玩遊戲時，紛紛扮成大耳女人，其中新郎哥雖然唔使着上姊妹們一早預備嘅紗裙，但依然跟兄弟一樣交足戲扮女人發姣，十分搞笑！
(on.cc東網)
【TVB兄弟團~】恭喜恭喜！今日結婚啦！
