【閃婚好OK】傅穎:畀個驚喜媽咪

    藝人傅穎(Theresa)穿上露肩短裙到大埔出席新春活動揭幕禮,與卡通人物合照,並在巨型利是封寫上新年願望。

    問是否需要行桃花運?她表示:「還好啦,應該個個都想要。(新年願望係搵到另一半?)希望可以全年無休咁工作,另一半要出嚟嘅時候就會出嚟。」

    Theresa的農曆新年將在香港度過,因為有幾個月都會喺香港工作:「過完年就開始拍劇,我嘅部分主要喺香港同深圳,同內地同香港演員合作。」

    她笑言角色要講不純正的普通話,但現在自己的普通話卻說得太純正,坦言很久沒有拍時裝劇:「比較活潑可愛嘅角色。(有冇愛情戲?)未知,要等劇本,對手就未講得。」

    由於家人已經習慣Theresa經常不在香港,而今年難得留港度歲,笑說每次回家都有皇帝式享受:「開心嘅係我,但辛苦咗我媽咪,成日都想煮嘢畀我食。(催你搵男朋友?)係我媽咪每年嘅新年願望。(介紹男朋友畀你?)冇,我話有啲嘢話唔埋,可能突然結婚畀個驚喜佢。」問是否接受閃婚?她認為OK,覺得是時候就會結婚。

    (on.cc東網)

    SHARE