要數無綫最德高望重嘅藝員一定係入行50年嘅「汪阿姐」汪明荃，無綫頒獎禮當晚仲發表「減少山頭」論，真係除咗佢冇人敢講！不過竟然有一個人夠膽要汪阿姐做阿四，車佢返屋企，唔係羅家英，而係陸浩明（6號）呀！
6號坐喺副駕駛座！
睇佢得戚到呢～
汪明荃做柴可夫「阿姐」，真係唔係個個都恨到！（資料圖片）
尋晚汪明荃同陸浩明為慈善活動擔任司儀，汪明荃仲傾力獻唱《經過那些年》！完騷後，6號就喺Instagram上載咗條片，見到6號坐喺副駕駛座，而司機竟然係汪阿姐！！6號喺片上寫住：「阿姐送我返屋企…好感動」、「阿姐太Nice」！可以坐阿姐車真係威到呢～見到6號開心到舉晒V，而柴可夫「阿姐」就好專心揸車！連網民都留言話：「阿姐送你返屋企～幸福呀呀呀～」
(東方日報)
