【買完比媽媽買比寶兒】袁偉豪:最好係⋯

    無綫藝人袁偉豪今晚參與慈善節目演出,與脊椎有問題的長期病患者參與魔術表演,即場向善長人翁作出呼籲。

    原來四年前他曾與對方同台演出過一次,但今次「重逢」,這位病患者的健康情況已大不如前:「佢依家連手部都開始唔靈活,呢四年大家嘅變化都好大。(覺得自己最大嘅變化係乜?)事業上嘅改變,跟住感情、人生經歷各方面囉。我哋每年拍三套劇,工作好緊密,人老得好快。以前我係小鮮肉,依家可以話係半生熟。」

    問到袁偉豪是否精通魔術氹女仔?他笑答:「呢方面我唔得嘅,但唔代表我冇其他優點喎,好似生活品味、顧家啦、識得煮飯、沖靚咖啡咁。」

    至於2018年的願望,他坦言希望自己的身價繼續上升:「依家租樓,想今年內可以置業,寶兒(女友張寶兒)好有投資心得,我玩車點蝕少啲都問佢。(買樓加埋佢個名?)睇吓我買到幾多層,最好一層媽媽、一層係佢、一層係自己,睇吓大家發展落去係點囉。」

    (on.cc東網)

    SHARE