藝人龔嘉欣（Katy）到將軍澳電視城出席《萬千星輝頒獎典禮2017》慶功宴，去年在頒獎禮上奪「最佳女配角」Katy今年兩手空空，問未來一年會否以拎獎為目標？她說：「當然想啦，嚟緊下一個目標係拎視后，但自己都有自知之明，畀多幾年時間自己。」
講到主演的《平安谷之詭谷傳說》收視及網上反應都好，Katy表示：「都冇諗反應咁好，好多朋友都話有追睇，但自己拍嘅時侯狀態唔好，覺得有少少情緒病，可能喊太多、唔識抽離，有時匿埋都會自己喊。（睇醫生？）冇睇醫生，唔想靠藥物，希望靠自己克服，依家都好返晒喇，可能自己都開心底，所以ok。」Katy透露正忙拍新劇《包青天再起風雲》，笑言：「最擔心自己個樣，成日喊覺得自己好樣衰、眼腫又面腫，可能係喊得最多嘅一套劇。（怕情緒病復發？）希望唔會，會多啲出街，同朋友多啲約會，遲啲會同少婦聯盟一齊做spa。」
少婦聯盟（左起）：陳凱琳、譚凱琪、沈卓盈及龔嘉欣
（ON.CC）
