【放低女神包袱!】法拉素顏伸脷扮海狸撞晒樣!?…



女神陳法拉近年喺紐約修讀演藝碩士課程,間唔時都會返吓香港出席活動同大家見面!不過粉絲見唔到佢咁點呢?法拉BB就好識做,經常都喺社交網晒靚相慰藉大家!呢日佢就上載咗素顏自拍相,不過唔係女神式自拍,而係不顧形象伸脷扮海狸(Beaver)呀!平時大家見開嘅法拉!(資料圖片)鏡頭後嘅法拉放低女神包袱,素顏上陣自娛,網民都大讚好可愛呀!

原來法拉BB喺後台等緊演出,於是就自娛扮海狸,法拉上載咗張對比相,竟然同海狸撞樣,神情動作都一致,毫無違和感!法拉留言自嘲「真我」、「諧星拉」,網民都留言話好似,又讚佢真係好可愛呀!

法拉IG圖片

(東方日報)