一年一度嘅《國際中華小姐競選》又到喇！聽日將會正式舉行今屆競選，喺呢個星期裏面，十六位候選佳麗除咗去充滿漁港風味嘅大澳拍外景之外，仲已經先後同傳媒及觀眾見面。每次一到選美比賽，外界對佳麗們嘅外貌都相當關注，好似上年嘅港姐冠軍雷莊𠒇，雖然被網民批評似足「哨牙蘇」烏拉圭籍前鋒蘇亞雷斯，不過我行我素嘅雷莊𠒇懶理負評，仲霸氣回應：「I don’t care！」不過正代表香港區參選華姐嘅佢冇受影響，因為外界對於今屆嘅候選佳麗有更多回響！
今屆華姐質素……
今屆華姐質素……靚女究竟去晒邊！
唔少網民覺得華姐嘅外貌質素一屆差過一屆，仲問啲靚女究竟去晒邊！又攞番已經脫離「處女黨」嘅成員鍾嘉欣同岑麗香（香香）當年參選嘅片段出嚟回顧，網民話呢啲先至係「真．華姐」嘅質素。
睇番2004年參選嘅嘉欣，當時只得20歲嘅佢青春逼人，着起泳裝盡顯Fit爆身材，同依家基本上冇乜分別，就算已經升呢做人母依然Keep得非常之好，唔講都唔知佢生過添呀！而香香喺2010年以25歲參選，網民冇Focus泳裝環節，反而Focus佢個樣，唔知係咪嗰陣嘅妝容問題，香香對眼顯得有啲腫，然後網民讚香香愈大愈有女人味，難怪俘虜咗唔少宅男嘅芳心！
網民有話兒：
Sxxxy Txxx：嘉欣好美喔～同宜家一樣咁靚靚！
Mxxxxxsin：呢一年質素都好高！
kxxxh xo：嘉欣好靚女，選個時個樣仲靚過依家，入行先有個藝人樣。
Kxxxxth Wxxx：當年個妝麻麻…
仲搵番當初鍾嘉欣嫩口時期嘅參選片段出嚟回味。
質素比如今好好多…
唔知係咪妝容問題呢？
當然都唔少得香香啦！
果然係青春無敵！
網民就讚佢愈大愈有女人味！
當年嘅嘉欣真係冇得頂呀！
當年嘅香香反而對眼有啲腫。
今屆三甲大熱
代表香港出戰嘅雷莊𠒇（資料圖片）
(ON.CC)
