應采兒同陳小春主力返大陸搵人仔，不時上真人騷，或者孖住上節目，唔少大陸藝人都覺得佢哋圈中模範夫妻，未知係唔係近排多工作，應采兒休息唔夠，定係冬天乾燥易出生唇瘡。
應采兒IG截圖
佢剛才喺IG貼出一張嘴唇相，似乎生咗唇瘡，佢自嘲：「東成西就……我也可以做梁朝偉。」講緊係電影《東成西就》演歐陽鋒嘅梁朝偉中咗五毒散，嘴唇變成「孖潤腸」嘅造型。
東成西就梁朝偉劇照
唔少fans都叫佢快啲睇醫生，問佢係唔係過敏、蕁麻疹定疱疹，「可能是太累，注意抱孩子前先洗手，會傳染的」，另有網民就笑應采兒同囝囝Jasper好似，之前Jasper上真人騷節目《爸爸去哪兒5》食火龍果都見到個香腸嘴：「果然有其子也有其母。」亦有網民開玩笑指應采兒個嘴係老公陳小春啜腫咗。
(蘋果日報)
