【小海綿係大隻仔】Angelababy:佢好Open

    藝人楊穎(Angelababy)出席商場活動,她表示去年商場亦有安排財神到家中,並在上午抱財神後,晚上便到醫院誕下兒子「小海綿」。

    Baby指兒子現時已經一歲,因工作緣故與兒子一同居於上海:「今次返嚟都有帶佢返。(老公黃曉明喺度?)佢開緊工,要努力搵錢。」她又透露農曆新年會跟老公到青島過年,認為當地很有過年氣氛,過完年三月左右會開工拍劇。

    「小海綿」開始會叫爸爸媽媽,Baby說:「其實唔係好認識,bed bed…mak mak…咁樣。(好冧?)冧㗎!依家都唔捨得離開佢。(有冇計劃追多個?)過多幾年啦!(黐老公多定你多?)黐我多啲,因為仔黐媽咪多啲,女嘅話就黐爸爸多啲。佢(黃曉明)好鍾意女,所以過多幾年一定生嘅。」

    兒子現在已經適應跟她四周圍飛,「小海綿」會向陌生人打招呼,Baby說:「佢係一個好外向,好Open、好Social(社交應酬)嘅性格。(似你多定似老公多?)似我老公多啲,我個仔嗰樣同性格都似我老公。(幾時可以有佢真面目見下?)我想等佢長大咗,問吓佢自己嘅意見先,等佢自己諗啦!」她表示現時開始為兒子在上海尋找合適的幼稚園,又指兒子是「大隻」BB,更指兒子不介意別人抱他。

    Baby還透露稍後會到內地拍攝《跑男》,又指傾向選擇一些可以長註在某一個地方的工作。問何時會返回香港發展?她笑言:「如果有戲喺香港拍嘅話,或者香港嘅導演搵我拍戲啦,我真係冇喺香港留好耐喇!」

    (on.cc東網)

    SHARE