Oh my god！心碎了，男神彭于晏封盤！？
噚晚社交網突然流傳出一名長髮女子從後抱住彭于晏嘅合照，呢位女生不但從後熊抱住彭于晏，佢仲留言話：「生命已完整」，疑似公告戀情。
好多網民都八卦了解真相，令到彭于晏呢個名曾一度成為微博熱搜嘅第一名，就係咁就觸動到女事主，佢即時喺佢個人嘅社交網賬號澄清：「just a lucky fan（只是個幸運的粉絲）」，而呢位幸運嘅女fans，就做咗一陣「彭于晏女友」喇！
相信好多女fans都想有機會做下彭于晏嘅「偽女友」，同偶像有親密嘅接觸囉。而有傳媒亦聯絡到彭于晏嘅經理人，佢亦否認彭于晏有戀情：「這是粉絲po的照片，這位粉絲非常喜歡彭于晏，要求合影而已。」
有網民指呢位女fans其實係一名空姐，只係巧遇彭于晏，而彭于晏一向對fans都好好，所以佢都好熱情咁同呢位空姐合照，但估唔到就係令到有呢啲咁嘅誤會；但亦有網民質呢位女粉絲點解冇着空姐制服，而彭于晏點解會同粉絲做出咁親密嘅動作呢！
(蘋果日報)
