【獲網民大讚!】黎諾懿:大件事!

藝人黎諾懿去年4月喜添一子黎峰睿(小春雞),一家三口幸福滿瀉!做咗人哋老竇嘅黎諾懿專心拼搏事業之餘,亦不時化身湊仔公成日大晒親子樂,簡直羨煞旁人!

呢晚,黎諾懿又喺社交網貼出兩條片,透露小春雞唔肯瞓,佢發文:「黎峰睿見到爸爸放工唔肯訓(瞓),大件事😳😳😳😳😳😳😳😳😳」BB唔肯瞓點算好?黎諾懿之後就索性出盡奶力陪囝囝玩,見佢拎起件玩具不停氹囝囝笑,小春雞同老竇玩得開心就自然更精神,不停咁「哈哈哈哈哈哈哈哈」大笑,笑聲充滿成個客廳,超級治愈呀!

黎諾懿陪小春雞玩。

黎諾懿湊仔果然掂!

老竇抱抱!

唔使一陣就已經氹到小春雞哈哈大笑。

之後,黎諾懿仲透露原來有湊仔招數Part 2,就係播番頭先條兩父子一齊玩時錄低嘅片畀囝囝睇,見小春雞初時睇到都呆咗陣,之後先識得畀反應笑,不過個樣就好似有啲攰。唔少網友見到後都大讚黎諾懿嘅招數好work,仲話囝囝之後應該會有睡意好快瞓得着添!
又再笑~

黎諾懿趷晒籮咁陪囝囝睇番佢大笑嘅片。

見到都開心!

仲笑到坐唔穩添!

 

 

(IG / ON.CC)